Добраахвотніцкі рух мінскага прыхода храма іконы Божай Маці «Усецарыца» адсвяткаваў свой другі дзень нараджэння

За два гады добраахвотнікам удалося дапамагчы 1289 людзям у дзевяці дзіцячых хоспісах, пяці дарослых хоспісах, дзвюх школах-інтэрнатах, дзвюх бальніцах і адным анкалагічным дыспансеры.

Напярэдадні свята Лукаўскай іконы Божай Маці ў Брэсцкай епархіі пройдзе пешы хрэсны ход

У Маларыцкім раёне ўжо становіцца добрай традыцыяй правядзенне хрэснага ходу да свята Лукаўскага абраза Божай Маці. У гэтым годзе хрэсны ход адбудзецца 22 чэрвеня. Святочную Бажэственную літургію ўзначаліць архіепіскап Брэсцкі і Кобрынскі Іаан.

Мінскую духоўную семінарыю наведалі маладыя людзі з абмежаванымі магчымасцямі з Пінска

Мінскую духоўную семінарыю наведалі дзеці і маладыя людзі з абмежаванымі магчымасцямі з Пінскай першаснай арганізацыі ГА «Беларуская асацыяцыя дапамогі дзецям-інвалідам і маладым інвалідам».

У Віцебскай духоўнай семінарыі адбыўся вечар, прысвечаны 140-годдзю з дня нараджэння свяціцеля Лукі (Война-Ясянецкага)

Мерапрыемства было арганізавана Віцебскім абласным грамадскім аб'яднаннем праваслаўных жанчын, медыцынскім епархіяльным брацтвам у гонар свяціцеля Лукі (Война-Ясянецкага) і сястрыцтва ў гонар святой роўнаапостальнай княгіні Вольгі.

4-6 жніўня ў Жыровічах пройдзе 18-я сустрэча «Анастасіс»

Тэма сустрэчы: «Давер». «Анастасіс» — гэта пляцоўка, на якой у жывой абстаноўцы сустракаюцца залежныя з вопытам выздараўлення па 12-крокавай праграме, тыя, хто толькі пачаў шукаць шляхі да вылячэння, сваякі гэтых асоб, святары, псіхолагі, урачы-нарколагі і псіхатэрапеўты.

Клірыкі Свята-Духава кафедральнага сабора горада Мінска ўзнеслі малітвы аб забітых нацыстамі жыхарах вёскі Дальва

Протаіерэй Уладзімір Увараў і протадыякан Віталь Дубяга па благаславенню Патрыяршага Экзарха здзейснілі памінальнае набажэнства па нявінна забітым нацысцкімі карнікамі мірным жыхарам вёскі Дальва Лагойскага раёна Мінскай вобласці.

У свята Усіх святых зямлі Рускай мітрапаліт Павел здзейсніў Літургію ў Свята-Духавым кафедральным саборы горада Мінска

18 чэрвеня, у Нядзелю 2-ю пасля Пяцідзесятніцы, Усіх святых зямлі Рускай, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

Свяшчэннік Сергій Ляшкевіч: Донарства крыві дае чалавеку магчымасць выканаць пэўную духоўную патрэбнасць

Кожны дзень у Беларусі праводзяцца сотні аперацый. Донарская кроў неабходная пацярпелым у ДТЗ, анкагематалагічным, анкалагічным пацыентам, а таксама ў акушэрстве і гінекалогіі, транспланталогіі. Толькі ў Мінску штогод нарыхтоўваецца 35 т донарскай крыві — неацэннага біяматэрыялу для захавання жыцця.

Прадстаўнік Беларускай Праваслаўнай Царквы прыняў удзел у прыёме з нагоды Дня нараджэння Яе Вялікасці Каралевы Вялікабрытаніі Лізаветы II

Прыём быў арганізаваны Надзвычайным і Паўнамоцным Паслом Злучанага Каралеўства Вялікабрытаніі і Паўночнай Ірландыі ў Рэспубліцы Беларусь спадарыняй Фіёнай Гіб.

Клірыкі Свята-Троіцкага прыхода ў Бараўлянах прынялі ўдзел у ўшанаванні заслужаных медыкаў

У Бараўлянах і іх ваколіцах знаходзіцца шэраг медыцынскіх устаноў: Мінская цэнтральная раённая бальніца, РНПЦ дзіцячай анкалогіі, гематалогіі і імуналогіі, шпіталь інвалідаў Вялікай Айчыннай вайны імя П. М. Машэрава, РНПЦ анкалогіі і радыялогіі імя Н.Н. Аляксандрава і іншыя.

Больш за дзесяць невідушчых талентаў прайшлі ў 2017 годзе праз праект «Жыццё з белым кіем»

Праект арганізаваны мінскім прыходам храма ў гонар свяшчэннамучаніка Уладзіміра Хіраскі для самарэалізацыі невідушчых творчых людзей. У рамках праекта ў ліпені 2017 года пройдзе сольны канцэрт спявачкі, паэткі і кампазітара Вольгі Патрый, прысвечаны святой прападобнамучаніцы вялікай княгіні Лізавеце Фёдараўне.

Ва ўпраўленні Следчага камітэта па Гродзенскай вобласці прайшла лекцыя доктара багаслоўя протаіерэя Георгія Мітрафанава

Выступленне было прысьвечана тэме: «Таямніцы і загадкі персаналій Часовага ўрада і Саўнаркама. 1917 год. Духоўна-гістарычны феномен камунізму». Лектар акцэнтаваў увагу на вытоках праблем, якія прывялі да падзей пераломнага часу мінулай эпохі, распавёў пра лёсы шэрагу дзяржаўных дзеячаў і прадстаўнікоў Праваслаўнай Царквы.

Рэктар Мінскай духоўнай акадэміі прыняў удзел у Першай Усерасійскай навуковай канферэнцыі «Тэалогія ў гуманітарнай адукацыйнай прасторы»

Форум прайшоў пры падтрымцы Міністэрства адукацыі і навукі Расійскай Федэрацыі на базе Нацыянальнага даследчага ядзернага ўніверсітэта «МІФІ» і Агульнацаркоўнай аспірантуры і дактарантуры.

Напярэдадні дня памяці Усіх святых зямлі Рускай мітрапаліт Павел здзейсніў усяночнае трыванне ў Свята-Духавым кафедральным саборы горада Мінска

17 чэрвеня, напярэдадні Нядзелі 2-й пасля Троіцы, Усіх святых зямлі Рускай, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Свята-Духавым кафедральным саборы горада Мінска.

Патрыяршы Экзарх узначаліў Літургію ў прыходзе храма іконы Божай Маці «Усіх тужлівых Радасць» горада Мінска і ўручыў дыпломы выпускнікам Мінскага духоўнага вучылішча

17 чэрвеня, у суботу 2-й сядміцы пасля Пяцідзесятніцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію і падзячны малебен у Еўфрасіннеўскім храме прыхода ў гонар іконы Божай Маці «Усіх тужлівых Радасць» горада Мінска. Богаслужэнне здзяйснялася з нагоды выпускнога дня Мінскага духоўнага вучылішча.