Пачаў работу ІІІ Міжнародны мастацкі пленэр «Святасць зямлі Беларускай»

У вёсцы Станькава Дзяржынскага раёна па благаславенню епіскапа Маладзечанскага і Стаўбцоўскага Паўла адбылося ўрачыстае адкрыццё ІІІ Міжнароднага мастацкага пленэру «Святасць зямлі Беларускай», прысвечанага памяці блажэннай Валянціны Мінскай і Году малой радзімы ў Беларусі.

Адкрыты набор удзельнікаў на Восьмы рэспубліканскі навучальны семінар «Місія і міласэрнасць»

Семінар будзе праходзіць у Мінскай духоўнай семінарыі з 8 па 14 ліпеня. Да ўдзелу запрашаюцца праваслаўныя маладыя людзі не маладзейшыя за 17 гадоў, неабыякавыя да праблем бліжніх і жыцця Праваслаўнай Царквы, якія цікавяцца тэалогіяй і жадаюць атрымаць веды па арганізацыі місіянерскага і сацыяльнага служэння.

У Мінску адкрыліся XXIV Міжнародныя Кірыла-Мяфодзіеўскія чытанні

29 мая ў канферэнц-зале Мінскай гарадской ратушы адбылося ўрачыстае адкрыццё XXIV Міжнародных Кірыла-Мяфодзіеўскіх чытанняў, прысвечаных тэме «Хрысціянства як інтэгруючы фактар сусветнай культуры». У прэзідыуме Чытанняў прысутнічаў мітрапаліт Мінскі і Заслаўскі Павел, Патрыяршы Экзарх усяе Беларусі.

Праваслаўны прыход арганізаваў практыкум па дапамозе пры ДТЗ для байкераў

У Астрашыцкім Гарадку былі арганізаваны заняткі па першай дапамозе пры ДТЗ для матацыклістаў. Ініцыятарам навучальнага мерапрыемства выступіў мясцовы прыход храма Праабражэння Гасподняга. Лекцыю правёў клуб «Штрафбат», большая частка членаў якога — практыкуючыя лекары.

Дзякуючы Гомельскай епархіі, Чырвонаму Крыжу і мясцовым уладам у сіраты-калясачніцы Марыі Кажамякінай з'явіўся гусенічны пад'ёмнік

Урачыстая перадача пад'ёмніка адбылася ў Петра-Паўлаўскім кафедральным саборы Гомеля. Дар Машы ўручыў архіепіскап Гомельскі і Жлобінскі Сцяфан.

30 мая пачынае работу Міжнародны мастацкі пленэр «Святасць зямлі Беларускай»

30 мая 2018 г. у в. Станькава Дзяржынскага раёна Мінскай вобласці пачне работу трэці па ліку Міжнародны мастацкі пленэр «Святасць зямлі Беларускай». У гэтым годзе ўдзел у праекце возьмуць мастакі з пяці краін. Акрамя беларускіх майстроў пэндзля ў пленэры будуць удзельнічаць творчыя суполкі з Расіі, Украіны, Румыніі і Малдовы. Асаблівасцю пленэру стане правядзенне круглага стала «Царква і культура», прысвечанага Году малой радзімы ў Беларусі.

На працягу трох дзён у Барысаве знаходзіўся Крыж Еўфрасінні Полацкай

Тысячы барысаўчан змаглі малітоўна папрасіць дапамогі Божай у заступніцы зямлі Беларускай — Еўфрасінні. Адбыўся агульнагарадскі хрэсны ход са святыняй. Шэсце ўзначаліў епіскап Барысаўскі і Мар'інагорскі Веніямін.

Урачыстасці ў гонар роўнаапостальных Мяфодзія і Кірыла адбыліся ў Мінску

24 мая 2018 года ў Свята-Духавым кафедральным саборы горада Мінска прайшлі ўрачыстасці ў гонар роўнаапостальных Мяфодзія і Кірыла і Дня славянскага пісьменства і культуры. Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, Бажэственную літургію ў Свята-Духавым саборы ўзначаліў старшыня Сінадальнага аддзела па рэлігійнай адукацыі і катэхізацыі Беларускай Праваслаўнай Царквы епіскап Барысаўскі і Мар'інагорскі Веніямін.

Археалагічны летнік для моладзі і падлеткаў запрашае да ўдзелу

У археалагічнай экспедыцыі, якая праводзіцца пры Свята-Елісееўскім Лаўрышаўскім мужчынскім манастыры ў Навагрудскім раёне, штогод арганізуецца валанцёрская група моладзі і падлеткаў. Сёлета група будзе дзейнічаць з 13 па 28 ліпеня. Запрашаюцца добраахвотнікі з ліку моладзі, студэнтаў і навучэнцаў, якім цікава правесці 2 тыдні ў добрай сяброўскай кампаніі, паспрабаваць сябе ва ўмовах экспедыцыйнага жыцця і займацца карыснай для грамадства справай.

Прадстаўнікі праваслаўнай моладзі з Беларусі і ЗША сустрэліся за круглым сталом

У Мінскай духоўнай акадэміі адбыўся круглы стол «Захаванне Праваслаўя ў сучасным свеце». У сценах МінДА сустрэліся маладыя праваслаўныя мінчане і іх аднагодкі з ЗША. Амерыканскую дэлегацыю ўзначаліў намеснік старшыні моладзевага Сінадальнага аддзела РПЦЗ протаіерэй Андрэй Сомер.

У Віцебску прайшла трэцяя дабрачынная акцыя «Белая кветка»

Намаганнямі неабыякавых людзей удалося сабраць больш за 4000 рублёў. Усе атрыманыя сродкі пойдуць на лячэнне двух маленькіх віцябчан — 4-гадовага Рамана Андрушунаса і 8-гадовага Сямёна Новікава.

У Мазыры адбыўся баль праваслаўнай моладзі Тураўскай епархіі

20 мая па благаславенню епіскапа Тураўскага і Мазырскага Леаніда у Палацы культуры ААТ «Мазырскі НПЗ» адбыўся баль праваслаўнай моладзі Тураўскай епархіі, прысвечаны 100-годдзю подзвігу Царскіх стастацерпцаў і 150-годдзю з дня нараджэння святога імператара Мікалая II.

У Мінскай духоўнай акадэміі адбудзецца сустрэча амэрыканскай і беларускай праваслаўнай моладзі

20 мая ў 13:00 у Мінскай духоўнай акадэміі адбудзецца круглы стол «Захаванне Праваслаўя ў сучасным свеце». У круглым стале возьмуць удзел прадстаўнікі амерыканскай і беларускай праваслаўнай моладзі.

У Бабруйску праходзіць VII Міжнародны фестываль «Шчасце ў дзецях»

Арганізатарамі фестывалю выступаюць Бабруйская епархія, Бабруйскі гарвыканкам, сацыяльна-асветніцкая ўстанова «Цэнтр падтрымкі сям'і, мацярынства і дзяцінства «Пакровы». Суарганізатарам фестывалю з'яўляецца ГА «Беларускі саюз жанчын».

Протаіерэй Сергій Лепін: Збіраць сродкі для рэстаўрацыі помнікаў куды больш прадуктыўна, чым подпісы супраць «антырэстаўрацыі»

У інтэрнэце ідзе збор подпісаў супраць «антырэстаўрацыі» цэркваў. Аўтары петыцыі лічаць, што Беларуская Праваслаўная Царква мэтанакіравана пазбаўляе старадаўнія беларускія храмы іх аўтэнтычнага аблічча. Сітуацыю пракаменціраваў для Радыё Свабода старшыня Сінадальнага інфармацыйнага аддзела БПЦ протаіерэй Сергій Лепін.