Напярэдадні дня памяці апосталаў Пятра і Паўла Патрыяршы Экзарх узначаліў усяночнае трыванне ў Петра-Паўлаўскім саборы горада Мінска

11 ліпеня, напярэдадні дня памяці святых слаўных і ўсехвальных першавярхоўных апосталаў Пятра і Паўла, мітрапаліт Мінскі і Заслаўскі Павел, Патрыяршы Экзарх усяе Беларусі; епіскапы: Магілёўскі і Мсціслаўскі Сафроній, Барысаўскі і Мар'інагорскі Веніямін, Касімаўскі і Сасаўскі Дыянісій здзейснілі ўсяночнае трыванне ў Петра-Паўлаўскім саборы горада Мінска.

Семінар «Магчымасці і перспектывы ўдзелу царкоўных прыходаў у экалагічнай дзейнасці» адбыўся ў Мінскім раёне

Семінар сабраў 45 удзельнікаў, сярод якіх былі прадстаўнікі Інстытута тэалогіі БДУ, Лизавецінскага манастыра, міжканфесійнай місіі «Хрысціянскае сацыяльнае служэнне», Міністэрства прыродных рэсурсаў і аховы навакольнага асяроддзя, Цэнтра экалагічных рашэнняў, адзінаццаці епархій БПЦ.

Конкурс малюнкаў на асфальце «Мая дружная сям'я» прайшоў у Аляксандра-Неўскім прыходзе Рагачова

Святкаванне Дня сям'і, любві і вернасці ў Рагачоўскім благачынні Гомельскай епархіі пачалося 8 ліпеня з конкурсу малюнка на асфальце «Мая дружная сям'я». Дзетвара прыхода храма святога дабравернага князя Аляксандра Неўскага з захапленнем малявала сваіх бацькоў, брацікаў і сястрычак, бабуль і дзядуль, свае дамы, храмы і ангелаў над імі.

31 ліпеня стартуе міжнародны фестываль «Адзігітрыя»

Моладзевы форум будзе праходзіць у два этапы. З 31 ліпеня па 4 жніўня адбудзецца творчая частка, у якую ўвойдуць конкурсы і майстар-класы, духоўныя гутаркі і круглыя сталы, экскурсіі і сольныя выступленні ўдзельнікаў, а таксама гала-канцэрт на сцэне віцебскага Летняга амфітэатра. З 5 па 9 жніўня адбудзецца хрэсны ход Віцебск — Смаленск.

Патрыяршы Экзарх узначаліў урачыстасці з нагоды свята Сукневіцкай іконы Божай Маці

10 ліпеня 2017 года, у панядзелак 5-га тыдня пасля Пяцідзесятніцы, у дзень святкавання Сукневіцкай іконы Божай Маці, мітрапаліт Мінскі і Заслаўскі Павел, Патрыяршы Экзарх усяе Беларусі і сонм архіпастыраў Беларускай Праваслаўнай Царквы здзейснілі Бажэственную літургію ў Праабражэнскім саборы горада Смаргоні Гродзенскай вобласці.

Выстаўка «Святасць зямлі Беларускай» адкрылася ў Палацы Рэспублікі

Выстава праходзіць у межах сацыяльнага праекту, накіраванага на падтрымку дзяцей з інваліднасцю. Па благаславенню Патрыяршага Экзарха ўдзел у вернісажы прыняў старшыня праўлення МГА «Хрысціянскі адукацыйны цэнтр імя святых роўнаапостальных Мяфодзія і Кірыла» іерэй Святаслаў Рагальскі.

У Нядзелю 5-ю пасля Пяцідзесятніцы Патрыяршы Экзарх здзейсніў Літургію ў Свята-Духавым кафедральным саборы горада Мінска

9 ліпеня, у Нядзелю 5-ю пасля Пяцідзесятніцы, дзень святкавання ў гонар Ціхвінскай іконы Божай Маці, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

Дзень сям'і, любві і вернасці ў Тураўскай епархіі адзначылі хрэсным ходам на веласіпедах

8 ліпеня, у дзень памяці дабраверных Пятра і Фяўронні Мурамскіх, па блаславенню епіскапа Тураўскага і Мазырскага Леаніда адбыўся традыцыйны хрэсны ход на роварах ад сабора Казанскай іконы Божай Маці горада Калінкавічы да манастыра Нараджэння Багародзіцы ў вёсцы Юравічы.

Напярэдадні Нядзелі 5-й пасля Пяцідзесятніцы, мітрапаліт Павел здзейсніў усяночнае трыванне ў Свята-Духавым кафедральным саборы горада Мінска

8 ліпеня, напярэдадні Нядзелі 5-й пасля Пяцідзесятніцы, свята ў гонар Ціхвінскай іконы Божай Маці, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Свята-Духавым кафедральным саборы горада Мінска.

У Беларускай Праваслаўнай Царкве абмяркоўваецца пытанне рэканструкцыі Тураўскага крыжа

Як мог выглядаць Тураўскі крыж? Якім ён можа быць? Беларуская Праваслаўная Царква запрашае ўсіх жадаючых прыняць удзел у абмеркаванні гэтай тэмы. Інфармацыю і прапановы просім накіроўваць у рабочую групу па пытанні рэканструкцыі Тураўскага крыжа.

У свята Нараджэння святога Іаана Прадцечы Патрыяршы Экзарх здзейсніў Літургію ў Іаана-Прадцечанскім храме горада Мінска

7 ліпеня, у свята Нараджэння пачэснага слаўнага Прарока, Прадцечы і Хрысціцеля Гасподняга Іаана, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме Нараджэння святога Іаана Прадцечы горада Мінска.

Адбыўся манаскі сход прысвечаны тэме гомельскага манаства ў гады ганенняў

Сход было прысвечаны 100-годдзю з дня пачатку пераследу святароў, манаскіх асоб і міран, якія вызнавалі праваслаўную веру. Літургію перад пачаткам сходу ўзначаліў епіскап Гомельскі і Жлобінскі Сцяфан.

Старшыня Сінадальнага аддзела БПЦ па турэмным служэнні наведаў следчы ізалятар у Баранавічах

Святар Георгій Лапухоў азнаёміўся з добраўпарадкаваннем малітоўнага памяшкання для падследных, наведаў камеры для мужчын, жанчын і непаўналетніх.

Выйшаў чарговы нумар «Весніка Сінадальнага цэнтра сектазнаўства»

У нумары — актуальныя навіны па тэме нетрадыцыйнай рэлігійнасці, рэкамендацыі да прачытання у рубрыцы «Кніжная паліца». Артыкул «Не проста Купала» прысвечаны гісторыі вядомага народнага свята і аналізуе яго ўзаемасувязь з хрысціянскай і язычніцкай традыцыямі.

Напярэдадні свята Нараджэння Іаана Хрысціцеля Патрыяршы Экзарх здзейсніў усяночнае трыванне ў Свята-Духавым кафедральным саборы горада Мінска

6 ліпеня, напярэдадні свята Нараджэння пачэснага слаўнага Прарока, Прадцечы і Хрысціцеля Гасподняга Іаана, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Свята-Духавым кафедральным саборы горада Мінска.