Мітрапаліт Павел узначаліў чарговае пасяджэнне Архіерэйскага савета Мінскай мітраполіі

У ходзе пасяджэння Патрыяршы Экзарх прадставіў архіерэям Мінскай мітраполіі сігнальны асобнік перакладу Новага Запавету на беларускую мову, выкананага Біблейскай камісіяй Беларускай Праваслаўнай Царквы і выдадзенага Выдавецкім саветам БПЦ.

Стартаваў велапрабег па святых мясцінах Гомельшчыны

Архіпастырскае благаславенне веласіпедыстам падаў епіскап Гомельскі і Жлобінскі Сцяфан. Дваццаць падлеткаў чакае васьмідзенны маршрут па Гомельскаму, Веткаўскаму і Добрушскаму раёнах. Турыстычны лагер дазволіць дзецям не толькі актыўна правесці час, атрымаць асалоду ад прыгажосці прыроды роднага краю, але і наведаць храмы і музеі.

Свяшчэннік Аляксій Хацееў: Заклік Скарыны чытаць Свяшчэннае Пісанне актуальны для ўсіх нас

Беларусь працягвае адзначаць 500-годдзе выдання Францыскам (у Святым Хрышчэнні Георгіем) Скарынам Бібліі. Пра тое, якую спадчыну пакінуў нам першадрукар, разважае намеснік Сінадальнага аддзела рэлігійнай адукацыі і катэхізацыі Беларускай Праваслаўнай Царквы іерэй Аляксій Хацееў.

Епіскап Барысаўскі і Мар'інагорскі Веніямін прыняў удзел у рабоце круглага стала «Асаблівасці арганізацыі манаскага жыцця ў гарадскіх манастырах»

Манаскі форум з удзелам прадстаўнікоў шэрагу Памесных Праваслаўных Цэркваў прайшоў у Санкт-Пецярбургу. Перад пачаткам круглага стала ўладыка Веніямін ўзначаліў Літургію ў Васкрасенскім Новадзявочым манастыры.

Пад Ваўкавыскам прайшоў IV штогадовы сацыяльна-дабрачынны злёт праваслаўнай моладзі «Сустрэча сяброў»

З 7 па 9 жніўня ў аграсядзібе «Селяхі»прайшоў IV штогадовы сацыяльна-дабрачынны злёт праваслаўнай моладзі «Сустрэча сяброў», арганізаваны брацтвам прыхода храма роўнаапостальных Мяфодзія і Кірыла горада Ваўкавыска.

Гамяльчане сустрэлі часціцу мошчаў велікамучаніка і ацаляльніка Панцеляімана

Святыню даставіла ў Беларусь дэлегацыя з Італіі, якую ўзначаліў біскуп Локры і Джерачэ Франчэска Аліва. Дэлегацыю сустрэў епіскап Гомельскі і Жлобінскі Сцяфан з саборам духавенства Гомельскай епархіі.

У дзень памяці велікамучаніка Панцеляімана мітрапаліт Павел здзейсніў Літургію ў Панцеляіманавым храме гарадскога пасёлка Мачулішчы

9 жніўня, у дзень памяці святога велікамучаніка і ацаляльніка Панцеляімана, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Панцеляіманавым храме гарадскога пасёлка Мачулішчы Мінскага раёна.

Семінар для дзяжурных па храму і работнікаў царкоўных лавак адбыўся ў Бабруйску

7 жніўня па благаславенню епіскапа Бабруйскага і Быхаўскага Серафіма на базе Бабруйскага епархіяльнага ўпраўлення адбыўся адукацыйны семінар для дзяжурных па храму і работнікаў царкоўных лавак.

Адбыўся паветраны хрэсны ход вакол Магілёва

З нагоды 300-годдзя з дня нараджэння свяціцеля Георгія (Каніскага) быў здзейснены паветраны хрэсны ход вакол Магілёва, арганізаваны кіраўніком аддзела Магілёўскай епархіі па ўзаемадзеянню з Узброенымі сіламі протаіерэем Сергіем Лабадой і кіраўніком ДТСААФ Магілёўскай вобласці Аляксандрам Мазурам.

XV Адзігітрыеўскі хрэсны ход з Віцебска прыбыў на Смаленшчыну

Для сустрэчы хрэснаходцаў на граніцу Беларусі і Расіі прыбылі: мітрапаліт Смаленскі і Дарагабужскі Ісідар, архіепіскап Віцебскі і Аршанскі Дзімітрый, старшыня Сінадальнага аддзела па справах моладзі Беларускай Праваслаўнай Царквы епіскап Любярэцкі Серафім, епіскап Рослаўльскі і Дзеснагорскі Мялецій.

Злёт дзяцей з прытулкаў і дзіцячых дамоў сямейнага тыпу прайшоў у Салтанаўшчыне

З 4 па 6 жніўня на тэрыторыі прыхода храма Святой Жыццепачатнай Троіцы аграгарадка Салтанаўшчына Нясвіжскага раёна прайшоў злёт дзяцей з прытулкаў і дзіцячых дамоў сямейнага тыпу.

Епіскап Лідскі і Смаргонскі Парфірый наведаў дзіцячы палатачны лагер

Епіскап Лідскі і Смаргонскі Парфірый наведаў дзіцячы праваслаўны намётавы лагер, арганізаваны прыходам храма святых апосталаў Пятра і Паўла горада Астравец.

У Гомельскай епархіі адбыўся моладзевы музычны фестываль «Христос посреде нас»

5-6 жніўня па благаславенню епіскапа Гомельскага і Жлобінскага Сцяфана ў вёсцы Цяруха на падвор'і Нікольскага мужчынскага манастыра прайшоў моладзевы музычны фестываль «Хрыстос пасярод нас».

Удзельнікі злёту моладзі Гродзенскай епархіі ўзнеслі сумесную малітву за архіерэйскай Літургіяй

6 жніўня, у Нядзелю 9-ю пасля Пяцідзесятніцы, архіепіскап Гродзенскі і Ваўкавыскі Арцемій здзейсніў Бажэственную літургію ў храме Праабражэння Гасподняга гарадскога пасёлка Сапоцкін. За богаслужэннем маліліся ўдзельнікі злёту моладзі Гродзенскай епархіі. Удзел у Літургіі з'яўляецца кульмінацыяй злёту і выказвае адзінства ў Хрысце ўсіх яго ўдзельнікаў.

Археолагі знайшлі манастырскую пячатку прападобнай Еўфрасінні Полацкай

У ходзе рэстаўрацыйна-археалагічных работ ля паўднёвай сцяны Спаса-Праабражэнскага храма Полацкага Спаса-Еўфрасіннеўскага манастыра была знойдзена пячатка прападобнай Еўфрасінні XII стагоддзя.