У Нядзелю 15-ю пасля Пяцідзесятніцы, мітрапаліт Мінскі і Заслаўскі Павел і мітрапаліт Барнаульскі і Алтайскі Сергій здзейснілі Літургію ў Свята-Духавым кафедральным саборы горада Мінска

17 верасня, у Нядзелю 15-ю пасля Пяцідзесятніцы, мітрапаліт Мінскі і Заслаўскі Павел, Патрыяршы Экзарх усяе Беларусі, і мітрапаліт Барнаульскі і Алтайскі Сергій здзейснілі Бажэственную літургію ў Свята-Духавым кафедральным саборы горада Мінска.

Патрыяршы Экзарх здзейсніў чын вялікага асвячэння храма ў гонар свяціцеля Феадосія Чарнігаўскага вёскі Пятрышкі

16 верасня, у суботу сядміцы 15-й пасля Пяцідзесятніцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў чын вялікага асвячэння храма ў гонар свяціцеля Феадосія Чарнігаўскага вёскі Пятрышки Мінскага раёна і Бажэственную літургію.

Метадычны дапаможнік, у якім сем'і вернікаў аднесены да небяспечных, не адлюстроўвае пазіцыю Міністэрства адукацыі

Міністэрства адукацыі афіцыйна запэўнівае, што метадычныя дапаможнікі, у якіх сям'і вернікаў ставяцца да катэгорыі небяспечных, не будуць укараняцца ў Рэспубліцы Беларусь, а выхаваўчы працэс будзе ўлічваць духоўна-маральныя традыцыі беларускага народа.

Урачыстасці ў гонар Юравіцкай іконы Божай Маці прайшлі ў Тураўскай епархіі

12-13 верасня ў Тураўскай епархіі адбыліся ўрачыстасці ў гонар адной з галоўных святынь Палескага краю — іконы Божай Маці, названай «Юравіцкая-Міласэрная». У бягучым годзе ўрачыстасці было вырашана прысвяціць 100-годдзю аднаўлення Патрыяршаства ў Рускай Праваслаўнай Царкве і 25-годдзю адраджэння Тураўскай епархіі.

У Віцебску адбыўся сход гарадскога духавенства

Пад старшынствам архіепіскапа Віцебскага і Аршанскага Дзімітрыя ў актавай зале Віцебскай духоўнай семінарыі адбыўся сход гарадскога духавенства. У ходзе сходу кіраўнікі епархіяльных аддзелаў прадставілі справаздачы аб сваёй працы, а першы прарэктар Віцебскай духоўнай семінарыі паведаміў аб выніках уступнай кампаніі.

Епіскап Гомельскі і Жлобінскі Сцяфан прымае ўдзел у міжнародным форуме «Малітва аб міры»

Міжнародны форум «Малітва аб міры», які штогод арганізуецца каталіцкай Абшчынай святога Эгідзія, у 2017 годзе праходзіць у Мюнстэры (Германія). Удзел у форуме прымаюць прадстаўнікі хрысціянскіх, мусульманскіх, будысцкіх, іудзейскіх і іншых абшчын з розных краін свету, а таксама грамадскія і палітычныя дзеячы.

Прадстаўнікі Беларускай Праваслаўнай Царквы прынялі ўдзел у святкаванні 50-годдзя РНПЦ медыцынскай экспертызы і рэабілітацыі

Калектыў навукова-практычнага цэнтра быў узнагароджаны граматамі Патрыяршага Экзарха і Сінадальнага аддзела па царкоўнай дабрачыннасці і сацыяльнаму служэнню Беларускай Праваслаўнай Царквы.

Старшыня Выдавецкага савета Беларускай Праваслаўнай Царквы наведаў міжнародную выставу «Францыск Скарына і яго эпоха»

У Мінску ўрачыста адкрылася міжнародная выстава «Францыск Скарына і яго эпоха», арганізатарамі якой сталі Міністэрства культуры Рэспублікі Беларусь і Нацыянальная бібліятэка Беларусі. У цырымоніі адкрыцця выставы па благаславенню Патрыяршага Экзарха прыняў удзел епіскап Маладзечанскі і Стаўбцоўскі Павел.

У Мінскай духоўнай акадэміі стартуе акцыя «Кніга ў падарунак бібліятэцы»

Пачатак акацыі прымеркаваны да Дня бібліятэк, які адзначаецца 15 верасня на падставе Указа Прэзідэнта Рэспублікі Беларусь ад 8 верасня 2001 года. У перыяд з 15 верасня па 15 кастрычніка 2017 года кожны жадаючы можа прынесці ў дар бібліятэцы Мінскай духоўнай акадэміі кнігу і ўнесці свой уклад у фарміраванне фонду.

Рэктар Мінскай духоўнай акадэміі прыняў удзел у пасяджэннях Вучонага савета і Кандыдацкага дысертацыйнага савета Агульнацаркоўнай аспірантуры і дактарантуры

Рэктар Мінскай духоўнай акадэміі і загадчык кафедры біблеістыкі АЦАД архімандрыт Сергій (Акімаў) прыняў удзел у пасяджэннях Вучонага савета і Кандыдацкага дысертацыйнага савета АЦАД, а таксама ў пасяджэнні падгрупы АЦАД па дысцыпліне «Уводзіны ў Стары Запавет».

«Словы і прамовы» свяціцеля Георгія (Каніскага) выдадзены ў Магілёўскай епархіі

Па ініцыятыве выдавецтва «АмелияПринт» і па блаславенню епіскапа Магілёўскага і Мсціслаўскага Сафронія было падрыхтавана рэпрынтнае перавыданне кнігі «Словы і прамовы Георгія Каніскага, архіепіскапа Магілёўскага», выпушчанай у Магілёве ў 1892 годзе.

У свята Усекнавення галавы Іаана Прадцечы рэктар Мінскай духоўнай акадэміі саслужыў мітрапаліту Валакаламскаму Іларыёну

Богаслужэнне адбылося ў храме Усекнавення галавы Іаана Прадцечы пад Борам Чарнігаўскага Патрыяршага падвор'я. У храме маліліся прадстаўнікі адміністрацыі, супрацоўнікі, выкладчыкі і навучэнцы Агульнацаркоўнай аспірантуры і дактарантуры.

Барысаглебскі храм Навагрудка наведалі кадэты

12 верасня, у дзень памяці святога дабравернага князя Аляксандра Неўскага, кадэты старэйшых класаў сярэдняй школы № 7 горада Навагрудка разам з класнымі кіраўнікамі пабывалі на Літургіі ў храме святых страстацерпцаў Барыса і Глеба. Жадаючыя прычасціліся Святых Хрыстовых Тайн.

У беларускай сталіцы адзначылі Дзень цвярозасці

У прыходзе іконы Божай Маці «Няўпіўная Чаша» горада Мінска адбыўся малебен з чынам прыняцця зароку цвярозасці. Людзі, якія выказалі жаданне цалкам адмовіцца ад ужывання алкаголю, былі ўрачыста прыняты ў прыходскае цвярознае таварыства, якое ўзначальвае настаяцель прыхода протаіерэй Дыянісій Пясецкі.

У дзень памяці дабравернага князя Аляксандра Неўскага Патрыяршы Экзарх здзейсніў Літургію ў Аляксандра-Неўскім храме горада Мінска

12 верасня, у дзень памяці перанясення мошчаў дабравернага вялікага князя Аляксандра Неўскага і аднойдзення мошчаў дабравернага вялікага князя Данііла Маскоўскага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Аляксандра-Неўскім храме горада Мінска.