Архіпастыры з пяці краін прынялі ўдзел у святкаванні дня памяці прападобнамучаніка Афанасія Брэсцкага

18 верасня Праваслаўная Царква ўшаноўвае памяць змагара святой праваслаўнай веры, стойкага абаронцу чысціні хрысціянскага веравучэння — святога прападобнамучаніка Афанасія (Філіповіча), ігумена Брэсцкага.

У Полацку малітоўна адзначылі 85-годдзе са дня пакутніцкай смерці свяшчэннамучаніка Мікалая Акаловіча

Протаіерэй Мікалай Акаловіч (1863 — 1934) больш за сорак гадоў служыў Царкве ў свяшчэнным сане. Нямала папрацаваў як місіянер і педагог. У 1931 годзе быў арыштаваны па абвінавачванню ў «антысавецкай агітацыі», памёр у зняволенні.

Сінадальная камісія Беларускай Праваслаўнай Царквы па пытаннях сям'і правядзе семінар для бацькоў

Сінадальная камісія Беларускай Праваслаўнай Царквы па пытаннях сям'і, абароны мацярынства і дзяцінства і МГДА «Матуля» 1 кастрычніка правядуць практычны семінар «Цяжкі ўзрост. Духоўная, псіхалагічная і юрыдычная дапамога бацькам».

У БДТУ будзе праходзіць штомесячны «Час святара»

«Час святара» — так названы цыкл штомесячных тэматычных сустрэч, якія будуць праходзіць у Беларускім дзяржаўным тэхналагічным універсітэце з удзелам клірыка парафіі абраза Божай Маці «Усіх тужлівых Радасць» у горадзе Мінску святара Віктара Мельнікава.

Моладзевы рух «AGIOS» правёў музычны вечар, прысвечаны 30-годдзю Беларускага Экзархату

13 верасня, напярэдадні царкоўнага новага году, моладзевы рух «AGIOS» Усіхсвяцкага прыхода горада Мінска правёў святочнае тэатральна-музычнае мерапрыемства. Канцэртная праграма была прысвечана 30-годдзю ўтварэння Беларускага Экзархату.

У Мінскай духоўнай акадэміі адбудзецца прэзентацыя зборніка публікацый вядомага беларускага дзеяча Вячаслава Багдановіча (1878-1939)

19 верасня кафедра царкоўнай гісторыі і царкоўна-практычных дысцыплін Мінскай духоўнай акадэміі правядзе прэзентацыю кнігі «Вячаслаў Багдановіч. Царква і дзяржава: выбраныя артыкулы і прамовы» (Мінск, 2019). Кніга ўключае выбраныя публікацыі розных гадоў вядомага беларускага праваслаўнага дзеяча, сенатара парламента Польскай Рэспублікі двух скліканняў і актыўнага прыхільніка захавання кананічнага адзінства Рускай Праваслаўнай Царквы В. В. Багдановіча (1878 — 1939?). У зборнік увайшлі артыкулы, прысвечаныя стану Праваслаўнай Царквы ў міжваеннай Польшчы, тэксты выступленняў у Сенаце, публікацыі гістарычнага, палітычнага і літаратуразнаўчага характару, а таксама ўспаміны аўтара.

Гомельская епархія запрашае на біблейска-багаслоўскія курсы

Па благаславенню архіепіскапа Гомельскага і Жлобінскага Сцяфана аб'яўляецца набор на епархіяльныя біблейска-багаслоўскія курсы. Запрашаюцца жадаючыя паглыблена вывучаць Свяшчэннае Пісанне, пазнаёміцца з веравучэннем Царквы і яе гісторыяй, асвоіць асновы праваслаўнай педагогікі.

Мінскую духоўную акадэмію наведаў рэктар Беларускага дзяржаўнага ўніверсітэта

12 верасня Мінскую духоўную акадэмію наведаў рэктар Беларускага дзяржаўнага ўніверсітэта Андрэй Дзмітрыевіч Кароль. Госця сустрэў рэктар акадэміі архімандрыт Сергій (Акімаў).

У Тураўскай епархіі завяршыліся ўрачыстасці ў гонар Юравіцкай іконы Божай Маці

У другі дзень урачыстасцяў перад саборам Нараджэння Прасвятой Багародзіцы Юравіцкага мужчынскага манастыра была здзейснена Бажэственная літургія, якую ўзначаліў епіскап Тураўскі і Мазырскі Леанід.

Семінар «Дзеці на прыходзе» адбудзецца ў Бабруйскай епархіі

24-25 верасня ў зале епархіяльных сходаў Бабруйскага епархіяльнага ўпраўлення пройдзе семінар «Дзеці на прыходзе». Мэта мерапрыемства — тэарэтычнае знаёмства са зместам канцэпцыі фарміравання максімальна спрыяльных умоў выхавання дзяцей на прыходах, а таксама асноўнымі прынцыпамі сістэмнай парафіяльнай апекі над дзецьмі. Перад слухачамі выступіць кіраўнік сектара парафіяльнай асветы Сінадальнага аддзела рэлігійнай адукацыі і катэхізацыі Рускай Праваслаўнай Царквы іераманах Генадзь (Вайцішка).

Дні праваслаўнай культуры «Хваліте імя Господне!» пройдуць у сталіцы Беларусі

Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, прыход храма праведнай Сафіі, княгіні Слуцкай, у горадзе Мінску правядзе дні праваслаўнай культуры «Хваліте імя Господне!» з 18 верасня па 10 лістапада. У праграме: духоўныя спевы, аўтарская паэзія членаў Саюза пісьменнікаў Беларусі, выступленні артыстаў эстрады.

У Тураўскай епархіі пачаліся ўрачыстасці ў гонар Юравіцкай іконы Божай Маці

Сёлета двухдзённае святкаванне было вырашана прысвяціць 180-годдзю Полацкага царкоўнага сабора, 155-годдзю перадачы комплексу Юравіцкай абіцелі Мінска-Беларускай епархіі, 35-годдзю ўсталявання святкавання Сабора Беларускіх святых і 30-годдзю ўтварэння Беларускага Экзархату.

У Мінскай духоўнай акадэміі адбудзецца прэзентацыя мультымедыйнага праекта «Белым па чорным. Вялікая княгіня Лізавета Фёдараўна»

11 верасня ў 20:00 у актавай зале Мінскай духоўнай акадэміі адбудзецца прэзентацыя мультымедыйнага праекта «Белым па чорным. Вялікая княгіня Лізавета Фёдараўна», які стаў адным з пераможцаў міжнароднага грантавага конкурсу «Праваслаўная ініцыятыва».

Літургія на беларускай мове была здзейсненая ў ніжняй царкве Гродзенскага Старога замка

8 верасня, у рамках святкавання Дня беларускага пісьменства, у ніжняй царкве Старога замка горада Гродна была здзейснена Літургія на беларускай мове. Узначаліў богаслужэнне настаяцель Пакроўскага кафедральнага сабора протаіерэй Георгій Рой. Па словах айца Георгія, верагодна, гэта першая за стагоддзі Літургія, адслужаная на гэтым месцы.

Больш за 1240 дзяцей атрымалі падарункі ад Гомельскай епархіі

Традыцыйная штогадовая акцыя «Збяры партфель у школу» завяршылася ў Гомельскай епархіі. Прыходы і епархіяльны аддзел па сацыяльнаму служэнню сабралі ахвяраванні для дзяцей з малазабяспечаных, шматдзетных, няпоўных, апякунскіх, прыёмных, якія знаходзяцца ў сацыяльна небяспечным становішчы сем'яў, а таксама для выхаванцаў сацыяльных устаноў і падапечных грамадскіх дабрачынных арганізацый.