У наваполацкім прыходзе Архангела Міхаіла рэалізуецца праект «Культура Праваслаўя»

Каардынатарам мерапрыемстваў прызначана бібліятэкар ДУА «Сярэдняя школа № 11 горада Наваполацка» Жанна Ільянец. Адна з галоўных задач праекта — стварэнне сістэмы ўзаемадзеяння і цеснага супрацоўніцтва ўстаноў адукацыі з Полацкай епархіяй.

Галоўны храм Барысаўскай епархіі наведалі інваліды па слыху

Кафедральны сабор Уваскрасення Хрыстова горада Барысава наведалі людзі, якія маюць інваліднасць па слыху. З гасцямі сустрэўся кіраўнік аддзела па царкоўнай дабрачыннасці і сацыяльнаму служэнню Барысаўскай епархіі іерэй Аляксандр Лук'яновіч.

У Ракаўскім псіханеўралагічным доме-інтэрнаце была здзейснена Літургія

Богаслужэнне здзейсніў клірык храма Праабражэння Гасподняга аграгарадка Ракаў іерэй Максім Кудзін. За Літургіяй узнеслі агульную малітву і прычасціліся Цела і Крыві Хрыстовых члены мясцовага праваслаўнага брацтва, прыхаджане Праабражэнскага прыхода і людзі, якія пражываюць у інтэрнаце.

У калінкавіцкай гімназіі адкрылася выстава «Чалавек і стварэнне»

Супрацоўнікі Цэнтра экалагічных рашэнняў і напрамку «Царква і ахова навакольнага асяроддзя» наведалі Калінкавіцкі раён Гомельскай вобласці, які пасля аварыі на ЧАЭС увайшоў у лік раёнаў, забруджаных радыяцыяй.

Студэнты БДУ пазнаёміліся з працай майстэрняў для людзей з абмежаванымі магчымасцямі

2 кастрычніка студэнты IV курса факультэта філасофіі і сацыяльных навук Беларускага дзяржаўнага ўніверсітэта наведалі Мінскі прыход іконы Божай Маці «Усіх тужлівых Радасць». Суправаджаў маладых людзей старшы выкладчык Андрэй Жанеўскі.

Адбыўся хрэсны ход на Навагрудскую галгофу

3 кастрычніка адбыўся хрэсны ход на Навагрудскую галгофу — месца мучаніцкай смерці протаіерэя Мікалая Нядзвецкага, па-зверску забітага ў 1939 годзе. У хрэсным ходзе прынялі ўдзел і мінчане-прыхаджане храма іконы Божай Маці «Няўпіўлная Чаша», якія ўжо не ўпершыню прыязджаюць ушанаваць памяць пацярпелага за веру святара.

Мітрапаліт Веніямін наведаў Цэнтр падтрымкі сям'і, мацярынства і дзяцінства «Пакровы»

4 кастрычніка мітрапаліт Мінскі і Заслаўскі Веніямін, Патрыяршы Экзарх усяе Беларусі, у суправаджэнні епіскапа Бабруйскага і Быхаўскага Серафіма наведаў Цэнтр падтрымкі сям'і, мацярынства і дзяцінства «Пакровы» горада Бабруйска.

Прадстаяцель Беларускай Праваслаўнай Царквы павіншаваў педагогаў з Днём настаўніка

Мітрапаліт Мінскі і Заслаўскі Веніямін, Патрыяршы Экзарх усяе Беларусі, павіншаваў педагогаў з Днём настаўніка, які адзначаецца ў нашай краіне ў першую нядзелю кастрычніка.

Мітрапаліт Веніямін наведаў рэспубліканскія ўрачыстасці з нагоды Дня настаўніка

2 кастрычніка мітрапаліт Мінскі і Заслаўскі Веніямін, Патрыяршы Экзарх усяе Беларусі, прыняў у якасці ганаровага госця ўдзел ва ўрачыстасцях, прысвечаных Дню настаўніка, якія прайшлі ў Палацы Рэспублікі ў Мінску.

У Мінскай духоўнай акадэміі адбудзецца штогадовая навуковая канферэнцыя

5 лістапада ў Мінскай духоўнай акадэміі пройдзе V Міжнародная навуковая канферэнцыя «Царкоўная навука ў пачатку трэцяга тысячагоддзя: актуальныя праблемы і перспектывы развіцця». Тэзісы дакладаў і заяўкі ўдзельнікаў па даданай форме прымаюцца да 27 кастрычніка.

У Мінску завяршыўся чарговы этап дабрачыннай акцыі «Добрае сэрца»

Гуманітарны груз атрымалі шматдзетныя сем'і Усіхсвяцкага прыхода, ГА «Беларуская асацыяцыя дапамогі дзецям-інвалідам і маладым інвалідам і сацыяльна-дабрачынная ўстанова «Інклюзіўны рэсурсны цэнтр "Актыўнае асяроддзе"».

Архіерэйскі хор Мінскага кафедральнага сабора атрымаў перамогу на міжнародным конкурсе «Поющий мир» у Санкт-Пецярбургу

Арганізатарамі конкурсу выступілі: Камітэт па культуры Санкт-Пецярбурга і Цэнтр міжнароднага супрацоўніцтва «Інтэр Аспект» пры падтрымцы Дзяржаўнай акадэмічнай капэлы Санкт-Пецярбурга і Саюза кампазітараў паўночнай сталіцы Расіі.

У Мінску адбылася прэзентацыя Тураўскага крыжа

Тураўскі крыж быў адноўлены па ўзору ўздзвізальных (напрастольных) крыжоў візантыйскіх і старажытнарускіх храмаў. Да іх жа адносіцца яшчэ адна вядомая беларуская святыня — крыж прападобнай Еўфрасінні Полацкай. Удзел у прэзентацыі прынялі Патрыяршы Экзарх усяе Беларусі мітрапаліт Веніямін і экс-прэм'ер-міністр Рэспублікі Беларусь Сяргей Румас.

У Лаўрышаўскім манастыры адкрылася экалагічная сцежка «Праз стварэнне да Творцы»

У Елісееўскім Лаўрышаўскім мужчынскім манастыры адбылося адкрыццё экалагічнай сцежкі «Праз стварэнне да Творцы», створанай дзякуючы сумесным намаганням манастыра і напрамку «Чалавек і стварэнне» ўстановы «Цэнтр экалагічных рашэнняў».

Царкоўна-гістарычнаму музею Слуцка-Салігорскай епархіі — 5 гадоў

Музей быў утвораны рашэннем Епархіяльнай рады ад 7 верасня 2015 года на базе духоўна-адукацыйнага цэнтра Пакроўскага прыхода вёскі Чыжэвічы Салігорскага раёна. Загадчыкам музея Епархіяльная рада прызначыла сакратара Слуцкага епархіяльнага ўпраўлення протаіерэя Мікалая Лабынько.