У Полацкай епархіі прайшоў праваслаўны моладзевы фестываль «Пакуль мы маладыя»

У першыя выхадныя жніўня адбыўся 7-ы фестываль праваслаўнай моладзі «Пакуль мы маладыя». Сустрэчу правяла праваслаўная моладзевая арганізацыя пры храмах Усекнавення галавы Іаана Прадцечы (Крулеўшчына) і Праабражэння Гасподняга (Порплішча).

Хор Віцебскай духоўнай семінарыі выступіў на Міжнародным фестывалі «SPRAVA»

Студэнцкі калектыў выканаў духоўныя спевы пад адкрытым небам ля руін храма ХVI стагоддзя. Двухдзённы фестываль, закліканы да ўзаемадзеяння з гістарычным і прыродным ландшафтам Беларусі з дапамогай сучаснага мастацтва і музыкі, сабраў музыкаў і творчыя калектывы рознай скіраванасці.

Епіскап Бабруйскі Серафім прыняў удзел у прастольных ўрачыстасцях Панцеляіманава манастыра на Афоне

9 жніўня адзначыў сваё прастольнае свята Панцеляіманаў манастыр на Святой Гары Афон. У гэтым годзе Свяшчэнны Сінод накіраваў на Афон на свята афіцыйную паломніцкую дэлегацыю, у склад якой увайшоў епіскап Бабруйскі і Быхаўскі Серафім.

Выйшаў у свет новы падручнік па гамілетыцы для духоўных школ Рускай Праваслаўнай Царквы

Праца над падручнікам, прысвечаным мастацтву пропаведзі, працягвалася больш двух гадоў і вялася пад агульным кіраўніцтвам рэктара Агульнацаркоўнай аспірантуры і дактарантуры мітрапаліта Валакаламскага Іларыёна. Падручнік стаў шмат у чым вынікам супрацоўніцтва Кіеўскай духоўнай акадэміі і Курскай духоўнай семінарыі.

У Лідскай епархіі прайшоў моладзевы намётавы лагер

З 29 ліпеня па 6 жніўня блізу вёскі Шэршні Дзятлаўскага раёна ў адзінаццаты раз быў арганізаваны намётавы лагер для выхаванцаў нядзельных школ і дзяцей прыхаджан храмаў Ліды. У гэтым годзе лагер прысвячаўся 1030-годдзю Хрышчэння Русі.

Мінскае духоўнае вучылішча запрашае абітурыентаў

Мінскае духоўнае вучылішча абвяшчае прыём абітурыентаў на дзённую, завочную і вячэрнюю формы навучання. У вучылішчы дзейнічаюць аддзяленні: званароў, катэхізатараў, рэгенцка-пеўчае. Прымаюцца асобы праваслаўнага веравызнання.

Жыхары вёскі Прылепы хочуць адрадзіць храм, пабудаваны свяшчэннамучанікам Іаанам (Пашыным)

У вёсцы Прылепы Смалявіцкага раёна на падмурку разбуранага ў канцы 1930-х гадоў Георгіеўскага храма была адслужаная Бажэственная літургія. Узначаліў богаслужэнне епіскап Барысаўскі і Мар'інагорскі Веніямін. Разам з мясцовымі жыхарамі за Літургіяй маліліся паломнікі з Мінска.

У дзень памяці велікамучаніка Панцеляімана мітрапаліт Павел здзейсніў Літургію ў Свята-Духавым кафедральным саборы горада Мінска

9 жніўня, у дзень памяці святога велікамучаніка і ацаляльніка Панцеляімана, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

Прадстаўнікі Царквы і дзяржавы абмеркавалі пытанні рэканструкцыі Юравіцкага манастыра

Удзельнікі нарады наведалі дамовы манастырскі храм у гонар прападобнага Серафіма Сароўскага і азнаёміліся з ходам выкананых работ па ачыстцы падвальных памяшканняў манастырскага корпуса.

Навагрудскае сястрыцтва аказала дапамогу шматдзетным сем'ям

6 жніўня настаяцель храма святых роўнаапостальных Кірыла і Мяфодзія горада Навагрудка протаіерэй Вадзім Кузьміч і сёстры міласэрнасці наведалі шматдзетную сям'ю Аляксея і Наталлі Мазураў, у якой нядаўна нарадзілася пятае дзіця. Напярэдадні сям'я атрымала вопратку для дзяцей, а ў гэты дзень ёй была аказана дапамога прадуктамі харчавання. Атрымалі дапамогу і два іншых сямействы.

У Гродзенскай епархіі адбыўся XI экалагічны злёт «Праваслаўная моладзь за ўстойлівае развіццё»

XI епархіяльны экалагічны злёт «Праваслаўная моладзь за ўстойлівае развіццё», які базуецца на тэрыторыі Свята-Троіцкага храма гарадскога пасёлка Зэльва, праходзіць кожны год. У гэтым годзе ля ракі Зельвянки сабралася каля 150 удзельнікаў з Зэльвенскага, Ваўкавыскага, Мастоўскага, Свіслацкага, Шчучынскага раёнаў, а таксама з Мінскай вобласці.

На Смаленшчыну прыбыў міжнародны Адзигитрыеўскі хрэсны ход

6 жніўня мітрапаліт Смаленскі і Дарагабужскі Ісідар і архіепіскап Віцебскі і Аршанскі Дзімітрый сустрэлі на мяжы Расіі і Беларусі XVI Міжнародны Адзігітрыеўскі хрэсны ход, які прыбыў з Віцебска ў Смаленск.

Мінская духоўная семінарыя абвясціла набор абітурыентаў на 2018/2019 навучальны год

Мінская духоўная семінарыя абвясціла набор абітурыентаў на 2018/2019 навучальны год на багаслоўска-пастырскае, рэгенцкае, іканапіснае і завочнае аддзяленні. Дакументы прымаюцца з 25 чэрвеня па 17 жніўня 2018 года.

Духавенства Бабруйскай епархіі пакланілася святыням Вільні

У рамках мерапрыемстваў, прысвечаных памяці мітрапаліта Літоўскага і Віленскага Іосіфа (Сямашкі), адбылася паломніцкая паездка духавенства Бабруйскай епархіі і членаў епархіяльнага апякунскага савета ў горад Вільню. Паломніцкую групу ўзначаліў епіскап Бабруйскі і Быхаўскі Серафім.

У Віцебску прайшоў XVI Міжнародны моладзевы фестываль «Адзігітрыя»

Па ўжо склаўшайся традыцыі 3 жніўня ў Летнім амфітэатры Віцебска адбыўся гала-канцэрт XVI Міжнароднага моладзевага праваслаўнага форуму-фестывалю «Адзігітрыя». Фестываль, які аб'ядноўвае праваслаўную моладзь брацкіх славянскіх народаў, сабраў у гэтым годзе каля 130 удзельнікаў.